Das Wort der OK Präsidentin Susanne Stumpf

 


 

 

 

 

Die Premiere der Haubuer Chlibi war ein Riesenerfolg!

Drüü Täg Fescht sind jetz verbii,

es isch eifach super gsii!

Ich möcht a dere Stell no danke säge,

em OK, wo‘s möglich gmacht het, das alles z träge!

De Schuelchind und de Lehrpersone für ihri Arbeit,

die händ sich so spontan is Züüg gleit!

De Vereine für ihre unermüedlich Ihsatz

die gmüetliche Beizli, das feine Ässe, schmatz!

Allne, wo en Darbietig zum Beschte gäh händ,

vom klatsche händ no alli warmi Händ!

De Lernende mit ihrne Betriebe für de schöni Kreiselschmuck,

er isch für alli Erinnerige de perfekti Usdruck!

Danke für die passendi Morgefiir mit de Musig und de Chind

So öppis find mer nid wieder so gschwind!

Danke allene guete Ängel rund ums Fescht,

Lüüt wo mer sich druf cha verloh, das isch s’Bescht!

Allne Bsuecherinne und Bsuecher wos gnosse händ -

und viellicht wieder mol so es Fescht wänd!

DANKE!

OK Präsidentin Haubuer Chilbi 2014, Susanne Stumpf